百厭海獅寶寶雜耍記

千里迢迢轉機轉車又轉船,都只係為見寶寶一面。從香港出發,乘機前往洛杉磯,轉機到墨西哥,再轉機到La Paz。抵達La Paz機場(LAP)後,即上專車衝去碼頭,等到夜晚大約7點上船 MV Valentina,上到船已經覺得累到半死啦,所以第一晚休息養精蓄銳。

之後幾日都主力去睇海獅,嘻嘻

0O9A7487 拷貝

海獅是高智商海洋生物,佢地可以好似狗仔咁聽指令做反應,俾手、轉圈、錫錫等,有外國動物訓練員更加成功訓練海獅計數同埋認字。就算無經過訓練嘅海獅,喺好奇心驅使下都會同我地互動。海獅寶寶會游近我地,輕輕掂下我地嘅裝備,當然我地唔可以有突然嘅舉動嚇親佢地。

 

 

經過一輪耐性觀察同等候,大家有咗信任,佢地就輕輕用條尾引下我地同佢玩,又輕輕咬我對手套,好似想幫我除手套咁。

有反應梗係好玩過淨影相啦,佢地仲有好多過癮表情,明明游開咗又要偷偷地望下你,個頭中下中下瞌眼瞓,又Chok樣比我地影相,佢地真係萌爆!

 

MV Valentina

今個trip真係大有收鑊,不得不讚下MV Valentina,船宿房偏細就個個都知,但係Valentino D房相對大D,船上大廚係墨西哥大媽,大媽一手靚菜唔單止靠得住仲有驚喜,我最鍾意係熱食夠溫度,船上仲提供啤酒同埋紅白酒任飲。

另外讚一讚,佢個diving deck好企理,仲有相機裝備比潛攝友用,貼心!

0O9A7787 拷貝.jpg

墨西哥旅遊實用資料:
最佳潛水季節: 7月至11月
潛水衣服: 3mm 厚潛水衣
貨幣: 建議帶備美元(USD)作消費用途,同時帶備信用咭以備不時之需。現時墨西哥採用披索(Peso),可以於當地機場或找換店兌換
語言: 官方語言為西班牙語,船上及陸上大部份旅遊區可以用英語溝通
時差: 墨西哥大部份地區夏令時間比香港慢13小時,而冬令時間則比香港慢 14 小時
電壓: 電壓為110-120伏特,用的是「兩腳扁身插頭」

MV Valentina 實用資料 :
船上共有10間房,房間大小約3米乘4米,均有獨立浴室及廁所,以船宿來講算是寬敞。全船最多接待20位潛友。船長38米,一共4層,底層是工作區,一層是客房,下層甲板是放潛水裝備的,頂層甲板是曬太陽的。另外還有餐廳及酒吧。

 

 

廣告

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google+ photo

您的留言將使用 Google+ 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s